Бүгін аудандық мәдениет үйінде Сырдария аудандық қоғамдық даму бөлімінің жобасы аясында, Сырдария–Нұрдария қоғамдық қорының ұйымдастыруымен «Біз сыбайлас жемқорлыққа қарсымыз» атты театрландырылған қойылымдар байқауы өтті.
Байқауға аудан мектептерінің оқушылары қатысып, сыбайлас жемқорлыққа қарсы тақырыпта сахналық қойылымдарын ұсынды. Қойылымдарды Ақтөре Ибрагимұлы төрағалық еткен қазылар алқасы бағалады.
Байқау қорытындысы бойынша:
-
І орын – 147 мектептің (Бесарық ауылы) оқушыларына бұйырды;
-
ІІ орын – №210 мектеп оқушылары;
-
ІІІ орын – №35 мектеп оқушылары иеленді.
Сонымен қатар, үздік рөлді сомдаған жас талант Іңкар Махамбет арнайы марапатқа ие болды. Қойылымға белсенді қатысып, өнер көрсеткен барлық оқушылар ақшалай сыйлық сертификаттарымен марапатталды.
Іс-шараның жоғары деңгейде өтуіне үлес қосқан аудандық мәдениет үйінің қызметкерлеріне алғыс білдіреміз.
