Аудан орталығында сенбілік жұмыстары ұйымдастырылып, тазалық пен көркейту шаралары кең көлемде жүргізілді. Іс-шараға мекеме қызметкерлері, жастар, еріктілер және аудан тұрғындары белсенді қатысып, ортақ іске өз үлестерін қосты.
Сенбілік барысында көшелер мен тротуарлар тазартылып, қоғамдық орындар ретке келтірілді. Жиналған қоқыстар арнайы орындарға шығарылып, айналаны абаттандыру жұмыстары жүргізілді. Сонымен қатар жол жиегі мен саябақ аумақтарында өсіп кеткен ағаш бұтақтары кесіліп, жасыл желекті күтіп-баптау жұмыстары атқарылды.
Мұндай шаралар ауданның санитарлық тазалығын сақтауға, қоршаған ортаны қорғауға және елді мекеннің көркін арттыруға бағытталған. Сенбілік жұмыстары тұрғындардың табиғатқа деген жауапкершілігін арттырып, туған жердің тазалығын сақтау – әр азаматтың ортақ міндеті екенін тағы бір мәрте көрсетті.
Ұйымдастырушылардың айтуынша, алдағы уақытта да аудан аумағында тазалық пен абаттандыру бағытындағы жұмыстар тұрақты түрде жалғасын табатын болады. Таза әрі көрікті орта қалыптастыру – баршамыздың ортақ мақсатымыз.
