Мерекелік шараға аудан әкімінің орынбасары Болатбек Ысмағұлов қатысып, аудан тұрғындарын көктем мезгілінің ең алғашқы шуақты мерекесімен құттықтады.
Алғыс айту күні – халқымыздың кең пейілі мен дархан көңілін, татулық пен өзара сыйластықты айшықтайтын ерекше мереке. Сонымен қатар, бұл күн – аудандағы барлық игі бастамаларды қолдап, халықтың әл-ауқатын арттыру жолында өз үлесін қосқан ардагерлерге, кәсіпкерлерге, мемлекеттік қызметкерлерге, қоғамдық ұйымдарға, білім және мәдениет саласының ұжымына, алтын қолды дәрігерлер мен құқық қорғау саласының қызметкерлеріне, жалпы ауданымыздың дамуына үлес қосқан әрбір азаматқа алғысымызды білдіретін күн. Осы ретте, ауданымыздың өркендеуі мен гүлденуі үшін аянбай еңбек еткен, рухани дамуына үлес қосқан барша азаматтарға, әрбір аудан тұрғынына шын жүректен алғыс айтамын!, – деді аудан әкімінің орынбасары.
Сонымен қатар, аудан әкімінің орынбасары Мемлекет басшысы Қасым-Жомарт Кемелұлы Тоқаевтың бастамасымен жүзеге асырылып жатқан саяси жаңғыру үдерістеріне тоқталып, 15 наурыз күні өтетін республикалық реформаға белсенді қатысуға шақырды. Ел болашағына бейжай қарамай, маңызды саяси науқанда азаматтық ұстаным таныту – әрбір тұрғынның жауапкершілігі екенін атап өтті.
Көктемнің алғашқы күнімен тұспа-тұс келген мерекені дәріптеген кеште ауданның әлеуметтік-экономикалық дамуына үлес қосып, түрлі салада табысты еңбек етіп жүрген бірқатар азаматтар Шиелі ауданы әкімінің Алғыс хатымен марапатталды.
Мерекелік шара аудан өнерпаздарының әсерлі әндері мен көркем би қойылымдарына ұласқан мерекелік концертпен жалғасын тапты. Кеш барысында патриоттық рухтағы шығармалар орындалып, көрермендерге көтеріңкі көңіл күй сыйлады.
керемет